nl 
es 
en Prueba di regreso
Prueba di regreso
Ki ora un hende por hasi un petishon pa un prueba di regreso?
Por pidi un prueba di regreso na momentu ku bo a entregá un petishon pa un prolongashon di bo pèrmit i bo mester biaha.
Kua ta e dokumentonan ku mester pa pidi un prueba di regreso?
E dokumentonan nesesario ta:
- Komprobante di pago tarifa- i retribushonnan0
- Formulario di petishon
- Kopia pasport bálido
- Kopia di pasashi
- 1 pasfoto
ENTREGA DI PETISHON
Solamente pa e petishon aki ta hasi un eksepshon ku por entregá esaki na bali. Esaki mirando ku mester entregá un pasfoto tambe. Despues di 2 dia ku a entregá e petishon, por bin tuma e prueba di regreso.
SKÈN DOKUMENTO
E dokumento di skèn (formato pdf) mester kumpli ku e siguiente kriterionan:
- Mester ta un vershon di skèn di un dokumento original
- Mester ta di skèn mas rekto posibel
- No ta kontené nit, klep di papel i no tin impreshon di dede visibel riba e dokumento
- No mester ta editá òf kambiá na ningún manera
- Mester evitá di doblá i machiká mas tantu posibel
- Tur dato mester ta klaramente legibel, visibel i no boroso
- Ningun informashon por ta di skrap, tapá òf marká
- Un ID di skèn mester kompletu i na koló riba e imágen:
- (pa pasport: e página ariba i abou i pa sedula e dilanti i patras)
- E rantnan di e ID mester ta bon visibel
- Mester tin mas o ménos 2 cm di espasio rondó di e imágen
- E dokumento di skèn no mester kontené ningun imágen ta sombra den fondo
GASTUNAN
Promé ku entregá e petishon, mester paga tarifa- i retribushonnan. Pa e petishon pa un prueba di regreso mester paga un montante di XCG 225,=. E pago mester sosodé na Maduro & Curiel’s Bank. Por mira e informashon nesesario pa hasi e pago, riba e òrdu di pago.
Esakinan ta e formularionan nesesario pa bo petishon:
0Ora di paga, mester menshoná e siguiente datonan di e petishonario komo referensia:
- nòmber i fam kompletu
- fecha di nasementu
Download e failnan
Disclaimer
Het Ministerie van Justitie is verantwoordelijk voor publicatie van informatie op deze website. De informatie is met zorgvuldigheid en nauwkeurigheid verzameld. Het Ministerie van Justitie doet haar uiterste best om de informatie zo actueel mogelijk te houden. Aan deze website kunnen echter geen rechten worden ontleend. Deze website wordt door het Ministerie van Justitie beheerd. De informatie op deze website kan gedeeld worden, mits bronvermelding.