Dokumentonan adishonal

Dokumentonan adishonal ora ta biaha pafó di periodo di fakansi

Teniendo kuenta ku enseñansa obligatorio ta apliká pa muchanan menor di edat, mester entregá un outorisashon di kabes di skol pafó di temporada di fakansi. Si ta trata di un dispensashon kompletu di enseñansa obligatorio mester presentá un desishon por eskrito di Ministerio di Enseñansa, Siensia, Kultura i Deporte for di kua por dedusí ku ta trata di un dispensashon kompletu.

Dokumentonan adishonal ora ta emigrá

Un menor di edat ku ta bai sigui studia òf en todo kaso ku ta emigrá mester presentá ademas e prueba ku e no ta registrá mas na Kòrsou (dokumento i stèmpel den pasaporte) di Servisionan Públiko (Kranshi).

Dokumentonan adishonal ora e mucha menor di edat ta emigrá su so

Ora un mucha menor di edat ta emigrá pa un pais den Reino i ta biaha sin su mayor(nan) outorisá òf su tutor, mester presentá, ademas di e dokumentonan ariba menshoná, un deklarashon di Voogdijraad den kua ta indiká ku Voogdijraad no tin opheshon kontra emigrashon di e mucha su so.

Pa por optené e deklarashon aki mester aserká Voogdijraad na tempu (6 luna delantá).

⁷ gezagregister@caribjustitia.org