Deklarashon Niet van toepassing

Deklarashon Niet van Toepassing

Un Deklarashon Niet van Toepassing ta indiká ku e lei di stranhero no ta aplikabel pa un persona.
Ken ta bin na remarke pa un Deklarashon Niet van Toepassing?

a. Un persona nasé na Kòrsou i ku tin nashonalidat hulandes for di nasementu.

b. Un persona di nashonalidat hulandes nasé na Aruba promé ku 1 di yanüari 1986 ku riba 1 di yanüari 1986 tabata biba na Antia Hulandes i promé ku (òf riba) 10 di òktober 2010 tabata biba na Kòrsou.

c. Un persona di nashonalidat hulandes ku a nase na Boneiru, Sint Maarten òf Sint Eustatius promé ku 10 di òktober 2010 i ku riba 10 di òktober 2010 tabata biba na Kòrsou.

d. Yunan di e personanan menshoná.

Kua ta e dokumentonan ku mester pa pidi un Deklarashon Niet van Toepassing?

E dokumentonan ku mester ta:

1. Kopia di pasport bálido;
2. Komprobante di pago⁰ tarifa- i retribushonnan; 
3. Akta di nasementu¹ no mas bieu ku 1 aña. Mustra original pa inspekshon;
4. Si parti a te ku c ta aplikabel: un deklarashon di nashonalidat (por pidi esaki na Asuntunan Públiko di e pais di nasementu konserní);
5. Si parti a te ku c ta aplikabel: un deklarashon di lugá di biba di registro sivil (Kranshi) na Kòrsou:
   • di e siudadano hulandes nasé na Aruba, ku riba 1 di yanüari 1986 e tabata biba na Antia Hulandes i promé ku 10 di òktober 2010 na Kòrsou òf 
   • di e siudadano hulandes nasé na Antia Hulandes, ku promé ku 10 di òktober 2010 e tabata biba na Kòrsou;
6. Si parti d:
   • un deklarashon di nashonalidat di e mayor ku ta kai bou di artíkulo 1, paragraf a te ku c LTU (por pidi esaki na Asuntunan Públiko di e pais di nasementu konserní) I
   • kopia di pasport di e mayor ariba menshoná.
7. Den kaso di adopshon: ekstrakto di estado sivil for di registro di adopshon

GASTUNAN

Promé ku entregá e petishon, mester paga tarifa- i retribushonnan. Pa e petishon  pa deklarashon Niet van Toepassing mester paga un montante di XCG 225,=. E pago mester sosodé na Maduro & Curiel’s Bank. Por mira e informashon nesesario pa hasi e pago, riba e òrdu di pago.

Esakinan ta e formularionan adishonal nesesario pa bo petishon:

• Òrdu di pago

ENTREGA DI PETISHON

Promé ku bo entregá e petishon, bo mester kontrolá si bo a akumulá tur e eksigensianan. Si esaki t’asina, bo por entregá e petishon. Mester skèn tur e eksigensianan den format di pdf. Klek akinan pa entregá e petishon.

SKÈN DOKUMENTO

E dokumento di skèn (formato pdf) mester kumpli ku e siguiente kriterionan:

• Mester ta un vershon di skèn di un dokumento original
• Mester ta di skèn mas rekto posibel
• No ta kontené nit, klep di papel i no tin impreshon di dede visibel riba e dokumento
• No mester ta editá òf kambiá na ningún manera
• Mester evitá di doblá i machiká mas tantu posibel
• Tur dato mester ta klaramente legibel, visibel i no boroso
• Ningun informashon por ta di skrap, tapá òf marká
• Un ID di skèn mester kompletu i na koló riba e imágen:
• (pa pasport: e página ariba i abou i pa sedula e dilanti i patras)
• E rantnan di e ID mester ta bon visibel
• Mester tin mas o ménos 2 cm di espasio rondó di e imágen
• E dokumento di skèn no mester kontené ningun imágen ta sombra den fondo.

DESISHON RIBA BO PETISHON

Despues ku entregá e petishon, Servisio di Atmishon tin 4 luna di tempu pa tuma un desishon riba bo petishon. Despues ku e desishon ta kla, ta mail esaki pa bo.

Si bo a risibí un desishon positivo, bo mester traha un sita pa risibí e pèrmit di estadia. Klek akinan pa traha e sita.

Si bo a risibí un desishon negativo, bo tin 6 siman di tempu e ora ei pa entregá un karta di opheshon. Bo mester mail e karta di opheshon pa info@immigrationcur.org.